Bókaranám fyrir lengra komna er hagnýtt framhaldsnámskeið í bókhaldi. Námskeiðið hentar þeim sem hafa einhverja bókhaldsreynslu eða hafa lokið tölvu-, skrifstofu- og bókhaldsnámi og vilja ná dýpri þekkingu og færni í bókhaldi. Þetta námskeið er einnig hugsað sem aðfararnám fyrir þá sem stefna á námið Viðurkenndur bókari.

Markmið

Að loknu námskeiði getur þátttakandi með/án hjálpargagna:

• Fært fjárhagsbókhald.
• Gert vsk uppgjör, stemmt af og gert leiðréttingarskýrslur.
• Reiknað út laun og launatengd gjöld.
• Gert grein fyrir hvað telst til launahlunninda og hvað ekki.
• Fært launabókhald, gert launamiða, launaframtal og skil til skatts (Laun eru færð í DK).
• Fært leiðréttingarfærslur.
• Notað þá leikni sem hann hefur öðlast á námskeiðinu til að stemma af:
• bankareikninga og kreditkort
• stöðu lána og skuldabréfa
• viðskiptamenn og lánadrottna
• laun og launatengd gjöld
• ógr. laun og launatengd gjöld
• aðkeypta þjónustu og verktakagreiðslur
• stöðu opinberra gjalda og greiðslufrests aðflutningsgjalda
• ógr. reikninga, fyrirframgr. reikninga og tekna
• Notað þá leikni sem hann hefur öðlast á námskeiðinu til að gera að gera uppgjörs- og lokafærslur vegna:
• ógr. gjalda, fyrirframgr. reikninga og tekna
• óseldra vara (birgða)
• fyrninga eigna og krafna
• vegna leiðréttinga
• uppfærslu lána
• færslu niðurstöðu reikninga á efnahags- og rekstrarreikning
• Gert skil á bókhaldi til endurskoðenda ásamt þeim gögnum sem þurfa að fylgja.
• Sett upp rekstrar - og efnahagsreikninga.
• Skilgreint hvað sjóðstreymi er og hver sé tilgangur þess.
• Reiknað helstu kennitölur.
• Lesið ársreikninga.

Námskeiðsröð:

1. Excel framhald
2. Launaútreikningur
3. Dk framhald og lokafærslur
4. Inngangur að Reikningsskilum